Press "Enter" to skip to content

‘2021’ winnaar beej de Wortelepin

In ein bizóndere editie zaoterdaagaovend is beej de liedjesaovend van Vastelaovesgezelschap “De Wortelepin” ’t liedje ‘2021’ op de ierste plaats geëindigd. Veur ’t iers in de rieke historie woorte alle liedjes live gezónge vanoet de studio van Umroop Venlo. ’t Winnende liedje wuurt gezónge door Willy Billekens en Bart Janssen. ’t Nummer is geschreve door Peter Jansen. De meziek is van Hay Geritz. 

Op de twieëde plaats is ’t liedje “Blie des dich d’r bis” geëindigd, ’t liedje wuurt gezónge door Lonneke van Doorn, Annette Hermans, Ruud Geeraets en Wim Janssen.’t Is geschreve door Peter Jansen. De meziek is van Hay Geritz. 

De derde plaats is veur ” As ik ens wis” ’n liedje gezónge door Duncan Nikkelen, Jason Hafmans, Willem Koopmans, Niels Vestjens, Dion Jeucken en Thuur Zumdick. ’t Nummer is geschreve door Wim Roeffen. De meziek is ouk van Wim Roeffen. 

Nummer veer in Bliërick: ’t liedje ” Vastelaovend in de zón” is gezónge door Lotte van Bergen en Roy van den Broek. ’t Is geschreve door Marc Peters en de meziek is van Hay Geritz. 

Alle winnaars gefilliciteerd en vuul plezeer met de optraejes in ’t kómmende Vastelaovesseizoen. Wao en wannier is allemaol is hielemaol aafhankelijk van de óntwikkelinge rondum ’t corona virus. Vanaaf midde november zien de winnende liedjes alvas te luustere via Spotify! 

Blerickse Krant is een gratis uitgave van Kempen Media b.v. en verschijnt tweewekelijks in de even weken.