Press "Enter" to skip to content

Arthur de Ruiter Prins van de Wortelepin!

Tiedes ’n fantastisch aangekleid Swaree haet Vors Carotius VIII ‘t Wortelepin Trio 2020 oetgerope: Prins Arthur I (de Ruiter) en zien Adjudante Fons (Houben) en Willem (Gerbrands). ’t Nieje dreejspan woort door de in groeëte getale aanwezige gaste oetbundig óntvange. 

Prins Arthur 51 jaor, hae is getrouwd met Marion van Oijen en gruuetse vader van dochter Laura van 22 lentes jónk en zoon Martijn van 18 jaor. ’t Gezin woeënt al 25 jaor in Holt-Bliërick. Prins Arthur is werkzaam as directeur beej Ami in Lomm. In ziene vreje tied sleit Hoeëgheid Arthur gaer ‘n belke op de golfbaan in Baolder en werk hae 2 kier per waek aan zien conditie beej “My35’”. Met ziene zoon Martijn bezuk hae regelmaotig de Johan Cruijff Arena um van eur favoriete ploog Ajax te genete. As Golde Gaever is de Hoeëgheid met zien bedrief al jaore verbónde aan Vastelaovesgezelschap De Wortelepin. 

Adjudant Fons
|Ziene Adjudant Fons telt 56 lentes en woeënt same met zien vruike Nathalie van den Hombergh en eur dochters Anouk (21) en Lisa (18) in Holt-Bliërick. Aldste dochter Sanne studeert en woënt in Mestreech. 

Adjudant Fons is pas gestart as zelfstandig óndernemer van FonsVerbindt. As jónk wienbölke is hae vruug in aanraking gekómme met de Vastelaovend en in 2000 hae lid gewaore van Vastelaovesgezelschap de Wortelepin, wao hae jaorelang deil haet oetgemak van de Raod van 11. In ziene vreje tied rent hae gaer en in ’t verleje haet Adjudant Fons 6 kier de Venloup gerend. 

Adjundant Willem
Adjudant Willem is 53 jaor, hae is getrouwd met Ingrid Hunnekens en same met eur dochters Kim en Pip en de zoon Gijs woeëne zeej in ’t centrum van Bliërick. Adjudant Willem is in ’t dagelijks laeve advekaot en investeert de nuuedige tied in ’t gezin. In ziene vreje tied steit hae gaer op de golfbaan, is hae bestuurlijk verbónde aan ’t Raodhoes en helt hae zich bezig met de sponsoring van de Bliërickse Hockeyclub. Vastelaovend viere waas ónderdeil van zien inburgering in Bliërick en beej ’t Swaree en de Hierezitting is hae al jaore ‘ne trouwe bezeuker. Prins Arthur en zien Adjudante Fons en Willem vinde ’t ’n groeëte ier um dit jaor same veur te meuge gaon in de Bliërickse Vastelaovend onder ’t motto: ‘Bliërick Kleurt!’. 

Blerickse Krant is een gratis uitgave van Kempen Media b.v. en verschijnt tweewekelijks in de even weken.