Press "Enter" to skip to content

Marcel 1e prins beej D’n Duikelaer

Op zaoterdaag 8 fibberwari zien beej Fieëszaal de Waeg Prins Marcel 1e en zien adjudante Patrick Nissen en John Lamberts oetgeraope tot het trio van D’n Duikelaer.

Marcel Kersten uit Blerick is 49 jaor en woent same mit zien partner Mariska. Sinds dit jaor is Marcel beneump tot Sirremoniemeister beej cv d’n Duikelaer, maar de Vors had um al ierder gevraog um de prins van 2020 te waere. Adjudant John is getrouwd mit Elke. Zeej zien de bure van de interim Sirremoniemeister. John is de penningmeister van d’n Duikelaer, dus mit de financien kump det wal good.

Patrick is getrouwd mit de zus van de Prins, Miranda. Zeej hebbe same twieë blaage die auk nog ens de dansmerietjes zien (same mit nog ein gooije vriendin). Normaal is Patrick de Vors van de vereiniging, maar umdet hae daor d’n Hoegheid as ziene adjudant is gevraog, meus d’r veur um auk eine vervanger gezoch waer.

Veur beide posities zien gooije alternatieve ingevlaoge. Peter Lamberts haet de taak van Vors op zich genaome en Jeroen de Voogd haet zich opgeworpe as Sirremoniemeister. Same make zeej dit gezelschap kompleet.

Blerickse Krant is een gratis uitgave van Kempen Media b.v. en verschijnt tweewekelijks in de even weken.