Press "Enter" to skip to content

Prins Peter II regeert bij De Poerker

Tijdens Roop Oët werd eerst de nieuwe Vors Poerkwazel V uitgeroepen. Rudi Bakker bijna 4×11 jaar oud, zal dit vastelaovesseizoen de kneepjes van het vak van zijn voorganger Robert Stoelinga leren om vanaf volgend seizoen het geheel over te nemen. Wat later op de avond werd Peter Titulaer uitgeroepen tot Prins Peter II. Zijn adjudanten zijn Martijn Smedts en Louk Rutten, Glenn Faessen vervult de functie van ceremoniemeester.

Dit kwartet komt uit de vriendengroep Kiet Hadje, waarmee ze ook hun eigen crossteam hebben. De receptie van dit kwartet vindt plaats op zondag 9 februari vanaf 14.00 uur in het Poerkerpaviljoen. Ze regeren onder het motto: Dit jaor ens gin anger zake, weej gaon d’r wet moeëjs van make!

Peter
Peter Titulaer is 25 jaor en woënt met zien elders en breurke Rick in Hout-Blierick. Gebaore in ut gashoes van Venlo maar daornao noeits mier weg gewaes oët Hout-Blierick. Peter is unne zoon van Jacqueline van Piet van Grubbes Bear oët Hout-Blierick en Jos van Töen van Ketriene Kuub. Peter studeert nog aan de HAS in Venlo. Verder vult hae ziene tièd met tröäte beej Fanfaar de Echo, Bandoeze en Straotendrek en daornaeve is hae d’r auk neet fiès van um beej angere muziekvereiniginge oët te helpe. Ut is dan auk neet onmeugelik det geej met de vastelaovend dökker zien träöt hebt huure klinke in eige dörp maar auk wiët daor boete. De res van d’n tiëd dae nog euver is sleutelt hae gaer met Crossteam Kiet Hadje aan de crosswages wat ongertusse is oëtgegreujd tot un gezellige club. In ut weekend geit hae gaer stappe met zienvrinde en drink Peter gaer un glaeske beer.

Adjudant Martijn
Martijn Smedts is unne zoon van Petra en Jan van Hadje van Didde. Hae is 24 jaor jongk en woënt nog thoes oppe Luuschwaeg saame met zien elders en broor Richard. In ut dageliks laeve werkt Martijn beej Christiaens in Naer. Net as Peter is Martijn actief beej Straotendrek en Bandoeze, hae zurgt heej veur ut slaagwerk. De wagecommissie van de Poerker kin auk op zien deenste raekene. En sleutele duit Martijn auk beej Crossteam Kiet Hadje. Netuurlik geit hae auk gaer op stap met de kammeraoj um ein pilske te drinke. En as hae nog tiëd euver haet, wuurt d’r nog wal ens gesquasht.

Adjudant Louk
Louk Rutten is auk unne echte Hout-Blierickse. 24 jaor geleeje gebaore as zoon van Ria Stammen en Jeu van Louis van Rutten Sjeng. Breurke van Chantal en maatje van zien vriendin Lisa. Louk werkt in ut dageliks laeve as 1e monteur beej Neptunus in Kessel. In ziene vreeje tiëd is hae te vinge beej zien vrinde van Kiet Hadje waor zeej vuul sleutele aan crossauto’s ennetuurlik ongertusse vuul kwats verkaupe. Un anger groeëte hobby is d’r op oët trekke met de crossmotor. Oppe tiëd gaon stappe en un glaeske beer drinke sleit Louk auk neet aaf.

Sirremoniemeister Glenn
Glenn Faessen is 24 jaor ald. Zoon van Eveline van Bou en Mie van Sjeng van Nellen en van Ron van Hai en Noortje van Faessen van d’n Baoldersewaeg. As gebaore en getaoge Hout-Blierickse jong mot hae helaas toegaeve det hae al 2,5 jaor oppe Kloeësterstraot in Blierick woeënt, rech taegeneuver ut Raodhoes. Maar gelökkig wal same met zien vriendin Gwen. Glenn werkt met vuul plezeer beej Novisem BV in Baolder, un greuntezaodveredelingsbedrief. Hae zurgt d’r veur det alle stappe binne de productie en bewerking good verlaupe en det de kwaliteit gelevert wuurt dae de klant van eur eist. In ziene vreeje tiëd duit Glenn gaer voetballe beej ut zevende van HBSV, darte beej DC ’t Getske en drinkt hae gaer un pilske met de jonges. De Raod van elluf waor hae al veur ut 4e jaor beej is mot ut zonger um daon deeze vastelaovend, want Glenn geit veurop met de bel in de hangk.

Vors Poerkwazel V
Rudi is zoon van Jan en Tila Bakker en blief veur altiëd de jeugprins van 1992. Hae zuut idderein ut dörp in en oët rieje, want same met Melanie (wao hae al 20 jaor mei same is) en de kinger Robin (van 10) en Joey (van 7) woënt de nieje Vors op de Baoldesestraot direct veuraan. Werke duit de bijna 4×11 jeurige Vors veur WEIR. Soms euverdaag, soms saoves, maar altiëd in ut gereidschapsmagazien. As der gen vastelaovend wuurt gevierd treffe weRudi aan beej HBSV. De 35+ club presteert onder zien strakke begeleiding en aanwiezinge optimaal. Auk VVV wuurt regelmaotig bezog, waobeej wins of verlies beide net zoë good wuurt gevierd.

Blerickse Krant is een gratis uitgave van Kempen Media b.v. en verschijnt tweewekelijks in de even weken.