Press "Enter" to skip to content

Vastelaovend in de Ruysdonck

Maondaag 3 fibberwari waar ut weer zoë wiét, veur de 3e kier op rie waar in de Ruysdonck weer unne gezellige en drökke vastelaovesaovend en waor idderein beniejt waar wae dit jaor de Prins en Prinses zoel zien.

Um 6 oor waar officieel de zaal aope en stôndde der al vuul minse te wachte um binne te meuge. Rônd half zeven woord door Joekkepel Me Dunk-Waers al flink meziek gemak um de sfeer der in te bringe. Effe later kwame de nieje Hoeghiede verpakt in 2 postzek de zaal binnegebrach. De pekskes woorden oetgepak, waornao Prins Herman de ierste (Punt) en Prinses Martha de ierste (Gaal) te veur schien kwame.

Nao det eur demantels ware umgehange en de andere officiële atribute (veur de Prins de steak en scepter en veur de Prinses ut kruunke met un bleumke) ware euverhandigd krege ze auk alle twië de officiële medaille. Ierst woord de proclamasie veur gelaeze en ingelieste foto’s oetgereikt um beej zichzelf in hoes op te hange.

Nao det de femilie en alle vrijwilligers ut duo gefeliciteerd had waren alle andere minsen aan de beurt um ut duo te feliciteren. Um ôngeveer kwart euver zeven begôste de ierste artieste(in totaal euver de ganse aovend, 33 artieste) optetraeje en verrasde idderein door de geweldige muziek, der ware zelfs artieste die gewoen mier nummers zônge as aafgespraoke zoë gezellige vônde ze ut.

Um half nege kwaam ônder de meziek van de joekkepel ut klein gezelschap van de Wortelepin eur opwachting make. Vors Carosius de achste en de Ceremoniemaester kwamen met Prins Arthur en ziene Adjudant Fons en Adjudant Willem binnen aok waar de Opperstalmeister en twië dansmerietjes mae gekômme. Uiteraard war der euver en waer verschillende toesprake. Nao det ut veurig jaor Ruud Bettinger door ôs woord geridderd, haet dit op verzeuk van Ruud un vervolg gekrege en zal idder jaor eemes of un vereniging die veur de Ruysdonck iets hebbe betaekend geridderd waere.

Veur dit jaor is gekaoze veur Luud en Lenie Smeets, de veurige redactie/eigenare van de Blierickse Krant. Weej vônde det zeej vuul hebbe maegewerk um ôs en alle andere Blierickse vereniginge met ut promote van alle activiteite die in de laop van de jaore georganiseerd ziencompleet met foto’s.

Op verzeuk van de organisatie woord, naor det ôzze coördinator Marian Punt eur in ut zunke had gezatte, door ut Wortelepin Trio de beej behurende plankette oétgereikt en beneumd tot “Ridder van de Hoëskamer in de Ruysdonck” aok kreeg Lenie un bleumke en Luud un drekske. Als verrassing kreeg ôs Prinselijk duo, Marian Punt, Baer Moors en Ruud Bettinger door Luud ut Sjengske 2020 oetgereikt.

Blerickse Krant is een gratis uitgave van Kempen Media b.v. en verschijnt tweewekelijks in de even weken.