Press "Enter" to skip to content

Wortelepin: Bliërick Kleurt, Vastelaovesfinale!

Op Vastelaovesdinsdaag 25 fibberwari 2020 wuurt ózze Bliërickse Vastelaovend weer aafgeslaote met ‘n vol programma. Vanaaf 19.11 oor, as ’t duuster is, trek weer ‘ne kleurrieke, verleechte stoet door de Bliërickse straote. ‘n Happening die se neet meugs misse en wao se zelf aan mei kins doon as groep of faatse, in eige Vastelaovespekskes, versiert met allerlei lempkes.

Aansloetend wuurt dan op ’t kerkplein beej de Antoniuskerk as traditie ós Worteletruuj verbört. Ónder de klanke van “Straks is ’t weer Aswoensdaag” wuurt ós Truuj door d’n Hoeëgheid, zien Adjudante en de Jeugprins en Jeugprinses aangestaoke.

Zoeë taege 21.00 oor begint ‘t aafsloetend programma in ’t Raodhoes. Heej waere de 4 winnende liedjes veur de letste kier deze Vastelaovend live gezónge. Verder zörg de groep Zugabe veur ‘ne echte Vastelaovesstumming.

Vors Carotius VIII en Vors Carotius Juniorus VIII zulle dan de mutse van ’t Trio en Jeugduo aafneme, waomei de Vastelaovend 2020 veurbeej is. Ouk mak de Vors dan ’t motto veur 2021 bekint.

Blerickse Krant is een gratis uitgave van Kempen Media b.v. en verschijnt tweewekelijks in de even weken.